Gipasigarbo ni Agriboost Farmer nga si Shirley Cultura sa Barangay Boaboan ning syudad nga midoble na ang kita dihang natabangan kini sa Agriboost Project sa market sa iyang harvest nga mga gulay. Gani, daku ang pasalamat niini nga tungod sa kita sa gulay maka gradwar na ang iyang anak nga Maritime Student karong umaabot katapusan sa Mayo. Tungod sa suporta sa Agriboost Project mas nadasig ang pamilya ni Cultura nga padak-an iyang area sa gulayan nga kanhi 1/4 ektarya lamang karon muabot na kini sa duha ka ektarya. Si Shirley Cultura usa usab sa migradwar sa Farmers Field School kun FFS asa nakatuon ang tanang mag-uuma sa bag-ong pamaagi ug stratehiya sa pagsugod ug pag atiman sa tanum nga gipangunahan sa City Agriculture and Veterinary Department sa LGU Butuan. Hangtud karon nagpadayon gihapon ang nasangpit nga buhatan sa pag giya apil na ang pagmonitor sa mga vegetable farmers sa dakbayan sa Butuan aron masuta kong giapply niini ang natun-an sa FFS.