Mapasalamaton sila Jeromar Labawan, mag-uuma sa Barangay Anticala ug Kenneth Nohl Morado sa Barangay Nongnong sa dakung benipisyo nga nakuha nila sa Agriboost Farmer Field School. Nakakat-on matud pa silang duha sa bag-ong teknolohiya ug nagiyahan sa pagdumala sa ilang tagsang kaumahan. Admitado si Labawan nga karon dili na kini mawad-an og kwarta dihang nisulod isip usa ka vegetable farmer kay bisan diha sa iyang tugkaran makakwarta na siya sa halin sa iyang mga gulay. Samtang si Morado bisan maayo na ang kahimtang sa iyang panguma mas nadugangan pa ang iyang kahibalo sa pagpalambo ug pagdumala sa iyang kaumahan sa iyang pagsulod sa FFS. Subay niini padayong gidasig sa lokal nga panggamhanan sa Butuan pinaagi sa City Agriculture Office ug partners agencies ang tanang mag-uuma nga migradwar sa Agriboost Farmer Field School nga tun-an ug sudlan ang agribusiness tungod usa kini nga innovative nga makapabag-o sa kahimtang sa mag-uuma.