Padayong nagdeliver og klase-klaseng gulay ug panakot ang mga Agriboost Champion Farmers sa Agrihub Facility nga nahimutang sa Van Terminal Langihan area ning dakbayan sa Butuan. Mapasalamaton ang lokal nga panggamhanan sa Butuan pinaagi sa City Agriculture and Veterinary Department sa padayong pagsanong sa mga mag-uuma sa Agriboost Project. Ang mga gulay ug panakot nga abot sa mga Agriboost Champion Farmers nakadisplay ug mapalit sa Agrimart Flagship Store sa Van Terminal ug mga kabarangayan sa syudad sa Butuan. Ang mga Agriboost Farmers mao ang nakabenipisyo sa Agriboost Project nga gitutukan ni Mayor Ronnie Vicente Lagnada aron modako ang agricultural products sa syudad sa ingon mobarato ang presyo niini sa merkado ug mabag-o ang kahimtang sa mga mag-uuma.