Nahatagan na og Green House Facility ang usa sa mga Agriboost Champion nga si Victor Carampatana. Kini gumikan sab sa walay-undang nga pagsupply ug pag-commit og mga gulay para sa AgriHub Facility. “Dako kaayo akong pasalamat nga naay agriboost labi na nga nasuportaran mi og green house tungod kay ang among mga concerns sa una nga panahon natubag ug gihatagan pagtagad. Kung sauna ang among yangungo nga asa ang market but this time naa nay agriboost naa nay market. Sa unang panahon nag reklamo mi nga dili mi ka produksyon sa ting ulan gihatagan mig green house so dako akong pasalamat sa maong proyekto ug sa tanan nga lumilihok niini.” Sumala ni Agriboost Champion Victor Carampatana. Gawas sa green house facility usa sab si Carampatana sa nakabenipisyo sa technical trainings, farm inputs, materyales ug ekipo gikan sa Agriboost Project pinaagi sa City Agriculture and Veterinary Department. “Sauna magdeliver mi sa Tabuan pag abot didto sa among produkto usahay dili-dilian. Usahay abunda ang supply na experience pa gyod namo so niabot naman kag alas singko dili nami modawat so nadala namo og balik sa balay. Pero karon nga naay agriboost nakita na nato nga dunay demand so sa demand nagcommit mi nga mao nay akong ideliver so wala nako nag problema sa market so wala na nako na experience nga ibackload.” Dugang pamahayag ni Victor Carampatana Dugang ni Carampatana dako ang kabag-uhan sa ilang kahimtang ug pamaagi sa panguma sukad miabot ang agriboost project.