Gipailawom sa pagbansay sa Digital Literacy ug Competency Development ang mga champion nga Agriboost Farmers ug Agrihub Operators sa dakbayan sa Butuan. Tinguha sa pagbansay nga mapractice na sa mga agriboost farmers ug Agrihub operators ang pagamit sa digitalization sa tanang operasyon ug transaksyon sa matag adlaw. Unang gitudlo sa pagbansay ang word processing software aron sayon na kanila sa pag andam og himo og reports sa tanang farm operations ug ubang business transactions. Kini nga kalihukan kabahin sa Agriboost Project nga hugtanung gisuportahan ni Mayor Ronnie Vicente Lagnada alang sa progresibong agricultural sector sa dakbayan sa Butuan. Nagtambayayong ang lokal nga panggamhanan sa Butuan pinaagi sa City Agriculture and Veterinary Department ug Department of Information Communication Technology DICT sa gihimung kalihukan.