Nakaharvest na sa tanum nga sibuyas ang Agriboost Champion nga si Victor Carampatana sa Barangay Bit-os ning syudad. Nadasig si Carampatana nga motanum og sibuyas tungod sa kataas sa demand niini sa merkado ug gumikan usab sa taas nga presyo. “Nakita nako nga gwapo ang quality sa product nato diria, daku ang bulb. Sa management manageable ra gihapon tungod kay ang climatic condition nato karon gauwan init siya so okey gyod siya sa production sa bombay. Third week sa April mag landprep nami para sa one hectare na area nga tamnan so kay nakita man namo karon sa 200 sqm nga naging successful siya,” sumala ni Agriboost Champion Victor Carampatana. Dako ang pasalamat ni Carampatana sa tanang nagpaluyo aron matabangan silang mag-uuma ilabina sa City Government sa Butuan pinaagi sa City Agriculture and Veterinary Department ug Department of Agriculture-Caraga nga anaa kanunay naka alalay sa tanang istratehiya sa pagtanum aron mudako ang produksyon sa sibuyas bombay sa syudad sa Butuan.