Naka-angkon na og green house facility si Cha Murcota nga usa sab sa Agriboost Champion sa syudad. Kini gumikan sa padayon niining commitment sa Agriboost Project asa padayong nagdeliver og kalidad nga gulay sa Agrihub Facility sa van terminal langihan area. Si Murcota usa sa mipailawom sa pagbansay sa Farmers Field School kun FFS aron makakat-on sa bag-ong teknolohiya sa pagtanum og gulay ug usa sab kini sa nakabenipisyo sa farm inputs ug farm materials gikan sa City Agriculture and Veterinary Department, partner agencies ug stakeholders. “Daku akong pasalamat nga usa kos gipagamit o gitagaan og chance nga makagamit sa green house tungod kay in any season magamit na gyod namo init man o ting ulan. Daku kaayo og difference ang field ug sa sulod sa green house. Now nag try mi karon naa siyay kadungan nga gitanum namo sa field so ang naa sa field gagmay pa samantalang ang naa sa green house tag-as na gyod kaayo siya. Nagdala na og bunga then aside ana less siya sa chemicals kay wala man siyay insekto nga nakasulod o nakapaak.” ang pamahayag ni Agriboost Champion Cha Murcota. Dugang ni Murcota dako kaayo ang bintaha kung dunay green house tungod makapadayon gihapon og tanum ang mga farmers bisan palahi-lahi ang kundisyon sa panahon.