Mipaabot sa dakung pasalamat sa lokal nga panggamhanan sa Butuan ang usa ka Vegetable Farmer ug Agriboost Champion sa walay puas nga suporta kanilang mga mag-uuma sa dakbayan sa Butuan. Mapasigarbuhon si Victor Carampatana, residente sa Barangay Bit-os sa iyang mga nadawat nga daghang suporta gikan sa technical trainings sa panguma, farm inputs, materyales ug ekipo. “Sa experience namo sa ako mismo nga mag-uuma, sa una magdeliver mi sa Tabuan pag abot didto sa among produkto usahay dili-dilian kay usahay abunda ang supply then na experience pa gyod namo nga niabot naman kag alas singko dili nami modawat so nadala namo og balik sa balay.” Sumala ni Victor Carampatana, Vegetable Farmer. Dakung kalipay ni Carampatana dihang pag abot sa agriboost tungod masayran na niini kung unsay demand sa merkado aron mao usab ang ilang tanum ug mao usab ang ikometar ug ideliver sa Agrihub Facility ug wala na sukad nagproblema sa market. “Taas kaayo ang kausaban bintaha na gyod kaysa una. Sauna maglisod jud kog palit og mga sprayer ug uban pang mga gamit kay mao man lagi to inig market nato sa atong product usahay dili dlian usahay tiwayun pa gyod usahay lubagun pa gyod ang presyo,” dugang pamahayag ni Victor Carampatana, Vegetable Farmer. Sa karon nakapamalit na si Carampatana og kaugalingong ekipo nga gamiton sa pag-ugmad sa iyang uma. Gani plano sa sab niining magpalit og sakyanan. “Tungod sa kita sa agriboost hayahay na akong paminaw kay sa una sige paman ko kapa kapa kung asa nako i-market. Kapa kapa pako kung naa ba koy ginansya o wala but this time klaro na kaayo sa delivery namo kuhaan sa expenses dako gihapon ang mabilin daku kaayo akong pasalamat nga naay Agriboost.” Subling mipaabot sa pasalamat si Carampatana sa tanang nagpaluyo sa proyekto sa Agriboost tungod natubag na ang dugay nilang yangungo kalabot sa market ug produksyon ug molambo usab ang kita pinaagi sa panguma.