Gipangunahan sa City Health Department kon CHD ang usa ka advocacy session ngadto na sa Civil Service Commission - Caraga ug sa mga personahe sa Richmond Plywood Corporation. Ang inisyatibo nag tutok sa promosyon sa insaktong panlawas ug paghatag og igong kasayuran sa mga indibidwal pinaagi sa informative sessions nga gihatag sa mga personahe sa CHD. Ang session gilangkuban sa Smoking Cessation nga gipasabot ni Rowena Cueto, Anti-Smoking Program Coordinator, hisgutanan sa Mental Health sa pagpanguna ni Health Education Promotion Officer Dart Esguerra, ug ni PDEA Intelligence Officer Dindo Abellanosa nga naghatag og crucial guidance sa pag mintinar sa Drug-Free Workplace. Usa kini ka paagi sa lokal nga panggamhanan sa Butuan sa pagpanguna ni Butuan City Mayor Ronnie Vicente Lagnada kauban si CHD Head Dr. Hendry Plaza, ang pagbisita ngadto na sa mga opisina ug ahensya aron na sa paghatag og advocacy session tungod daku kining papel aron makabalo ang kada indibidwal sa buhaton hilabina sa hisgutanan sa panglawas.