Gitagaan og higayon ang mga mag uuma sa dakbayan nga makabaligya sa ilang abot pinaagi sa Department of Agriculture nga gipahigayon sa SM City Butuan ilawom sa programang Sunday Market nga gi-ablihan kaganinang buntag. Dunay mga bugas, prutas, mga panakot ug gulay nga baligya sa baratong presyo. Ipahigayon ang display matag adlawng dominggo sugod alas siete sa buntag hangtud alas dos sa hapon sa SM City Transport Bay. Gi-awhag sa lokal nga panggamhanan sa Butuan sa pagpanguna ni Mayor Ronnie Vicente Lagnada ang publiko nga suportahan ang mga mag uuma pinaagi sa pagpalit sa ilang mga abot nga mga produkto.