Gidala sa mga personahe sa City Agriculture and Veterinary Department kon CAVD ang Veterinary Mobile Ambulatory Clinic kon VMAC sa Barangay Pianing ning syudad miaging semana. Pinaagi sa VMAC mas sayon sa mga residente nga nagpuyo sa lagyong barangay nga mahatagan og pagtagad ang ilang mga kahayopan. Ang gipatuman nga programa gilangkuban sa halos tanang klase nga serbisyo sa buhatan sama sa free rabies vaccination, consultation, vitamins and minerals supplementation, animal defluking o deworming, large ruminant artificial insemination ug vegetable seeds distribution. Mapasalamaton ang mga residente sa barangay Pianing sa libreng serbisyong gitanyag kanila. Buot maabot sa CAVD ang mga lagyong dapit nga barangay subay na sa mandato ni Butuan City Mayor Ronnie Vicente Lagnada aron sa paghatod sa serbiyo alang na sa mga binuhing hayop sa mga residente. Gawas sa VMAC, nang apud-apod sab og binhi sa gulay ngadto na sa mga residente sa nasangpit nga barangay. Maghulat lamang sa anunsyo sa barangay o post sa FB Page sa CAVD aron mahibaloan ang schedule sa pagbisita sa nasangpit nga buhatan.