Nga bisan natapos na ang selebrasyon sa Womens Month karong tuiga magpabilin matag adlaw ang respeto ug pagdayeg sa mga opisyales sa syudad sa tanang kababayen-an nga nagpabiling nibarog ug maisugong niatubang sa tanang pagsulay sa tagsa-tagsang pamilya. Kahibaloan nga tuig 2020 gipatuman ni Mayor Ronnie Vicente C. Lagnada ang SP Ordinance No. 6175-2020 o paghimo og mekanismo sa pagtubag ug protocol sa paghawid sa mga kaso sa pagpang abuso o Violence Against Women and Children (VAWC) apil sab ang Gender-Based Violence (GBV) asa nakalatid sa ordinansa ang pag establesar og VAWC/GBV desk sa tanan barangay sa syudad sa Butuan. Sumala nila City Councilor Atty. John Gil Unay ug Atty. Ehrnest John Sanchez kini nga ordinansa gihimo aron maproteksyunan ang katungod sa mga kababayen-an ug kabataan nga magsugod sa barangay level gumikan sa nagkadaghan ang problema sa pagpang abuso sa mga kababayen-an ug kabataan bisan asang dapit sa nasud. Kini nga ordinansa gipamangamahanan ni (Former Councilor) Atty. Rema Burdeos asa hugtanung gisuportahan sa tibook pwersa sa mga myembro sa SP sa syudad sa Butuan.