Gisugdan na sa City Business Permits and Licensing Department kon CBPLD ang regular nga inspeksyon sa tanang patigayon sa Butuan. Hugtanong gipahinumduman sa buhatan ang mga negosyante nga ibutang sa daling makita nga lugar o i-display ang Business Permit sa tindahan o establisamento. Nag abiso sab ang CBPLD nga magbantay sa mga magpaka-aron ingnon nga inspector sa buhatan. Siguradohon nga adunay mapakita nga identipikasyon ang usa ka inspektor ug nag suot kinig ID gikan sa lokal nga panggamhanan. Dugang sab sa buhatan nga mamahimong mokuha ang tag-iya o nagbantay sa negosyo og video o pictures sa mga inspector sa CBPLD samtang sila anaa-a sa proseso sa pag inspect. Lakip usab nga mamahimong mag verify sa buhatan sa CBPLD. Alang sa mga pangutana o dugang impormasyon mamahimung mobisita sa CBPLD sa may City Hall Building o tawag sa 09513884193 ug (085) 300-7047.