Mga Police Equipment gidonar sa LGU Butuan ngadto sa PNP Caraga

BUTUAN CITY– Gipangunahan ni Mayor Ronnie Vicente Lagnada ang Turn-Over Ceremony sa mga Police Equipment ngadto sa Police Regional Office 13 adtong Setyembre 28, Byernes sa buntag sa Camp Rodriguez sa Libertad, Butuan City.
Migahin og kapin 18 Milyong Piso ang Lokal nga Panggamhanan sa Butuan para sa 9 Toyota Hi-lux Patrol Vehicles, 6 sets sa investigative kit, 55 units sa Assault Rifles ug 10 units sa 9mm Pistols.
Tumong sa Amahan sa dakbayan nga maugmad ang anti-crime capabilities sa pwersa sa Kapulisan. Nagtuo si Mayor RCL nga ang kahapsay ug kalinaw usa sa mga components sa transformational journey nga kung malinawon ang usa ka syudad maaghat ang mga investor sa pagtukod og negosyo dinhi.
“Even now maganda na ang performance nila siguro mas lalong gaganda with the support of the LGU and Philippine National Police, siguro mas aangat pa ang performance nila” sigun ni Mayor RCL sa pakighinabi sa Media.
 
“There will be an increase in MOOE to support this, no problem, kasama na yan sa planning naming” -  dugang pahayag ni RCL mahitungod sa igahing budget para sa fuel sa mga bag-ong Personnel Carrier Patrol Vehicles.
 
Mapasalamaton si Mayor RCL sa gipakitang effort sa PNP ubos sa pagdumala sa  PNP Caraga Regional Director nga si Chief Supt.Gilbert Cruz. Naglaum usab si Mayor RCL na makatabang ang mga gidonar na ekipo sa pag-address sa peace and order situation sa Butuan.
 
Sumala usab sa City Director sa Butuan City Police Office nga si Senior Supt. Albert Magno, makadawat ug tag-sa nga Patrol vehicles ang matag Police Station sa syudad, usa sab sa SWAT, usa sa BCPO ug duha para sa City Mobile Force.
 
Nahimong Guest of Honor sa maong aktibidad si Deputy Director General Archie Francisco Gamboa, Deputy Chief PNP for Operations. Mitambong usab ang mga Lokal nga Opisyal sa Butuan City.

Get in touch with us

Contact us

Republic of the Philippines

Office of the City Mayor

J.Rosales Avenue, Doongan

Telephone no.      (085) 342-3074

Fax No.                  (085) 225-5737

Email Address:   cmo_butuan7@yahoo.com

Education - This is a contributing Drupal Theme
Design by WeebPal.