Malasakit Center nga gilusad sa BMC gipangunahan ni SAP Bong Go

BUTUAN CITY– Gilusad sa Butuan City ang Malasakit Center nga mamahimong kadangpan sa mga naglisod nga pasyente sa Butuan Medical Center. Gipangunahan ni Special Assistant to the President Christopher “Bong” Go ang unveiling sa Malasakit Center nga makita sa usa ka bag-ong building sa Butuan Medical Center adtong Oktubre 12, Byernes sa gabii.
Gitukod ang Malasakit Center subay sa kamanduan ni Presidente Rodrigo Duterte nga mahatud ang maayong serbisyo para sa panglawas sa katawhan.
Dili na maglisod ang tagtungod sa pasyente sa pagpangayo og hinabang kay pinaagi sa Malasakit Center gikampanya ang NBB kun No Balance Billing. Mahimo sab sayon ang proseso sa pag-avail sa financial assistance kay ang Malasakit Center usa ka One-stop Shop diin anaa ang personahe sa PCSO, Philhealth ug DSWD.
Atol sa launching, gitunol ni SAP Bong Go ang starting funds nga nagkantidad og 3 Milyong Piso ug gidawat kini ni Assistant Hospital Director Dr. Andre Malbas.
Dayong gibisita ni SAP Bong Go ang pipila ka mga pasyente sa BMC ug gipahibalo nga aduna nay Malasakit Center sa Butuan, ikatulo nga center sa Mindanao ug ika-13 usab sa tibuok Pilipinas.
Agig pagpakita og suporrta, mitambong sa launching ang mga City Officials uban si Congressman Lawrence Fortun, DOH Caraga Regional Director Dr. Jose Llacuña, Police Regional Office 13 Director Chief Supt. Gilbert Cruz ug mga personahe sa BMC.
 
Nahimong Guest of Honor sa maong aktibidad si Deputy Director General Archie Francisco Gamboa, Deputy Chief PNP for Operations. Mitambong usab ang mga Lokal nga Opisyal sa Butuan City.

Get in touch with us

Contact us

Republic of the Philippines

Office of the City Mayor

J.Rosales Avenue, Doongan

Telephone no.      (085) 342-3074

Fax No.                  (085) 225-5737

Email Address:   cmo_butuan7@yahoo.com

Education - This is a contributing Drupal Theme
Design by WeebPal.