03/27/2008 - ni: Romy B. Peña, Info. Asst. II

PAGLUSAD SA BARANGAY BAGSAKAN GIPAHIGAYON

Ang balangayan Butuan ug ang Department of Agriculture Caraga- 13 mipahigayon sa paglusad sa Barangay Bagsakan ug ribbon cutting ceremonies niadtong Marso 26,2008 didto sa BB Blocktiendas, Barangay Pagatpatan ning dakbayan.

Ang tuyo ug tumong sa maong kalihokan mao ang paghatag pagtagad sa mga mag-uuma, mangingisda ug mga kunsumador nga masayon ug madali ang pagtumod sa hang mga produkto nga nagagikan sa silingang barangay sa pagatpatan. Kini programa ni Sec. Athur C. Yap, Department of Agriculture nga gisugdan niadtong tuig 2007. Diin sa Rehiyon Caraga ang nahisgutang Barangay maoy pinakauna nga dapit nga gipahimutangan sa Barangay Bagsakan.

Sa mensahe ni City Mayor Democrito "Boy Daku " Plaza II, iyang gipasabot nga kini nga proyekto daku ug ikatabang sa ekonomiya sa dakbayan sa Butuan. Sanglit ang mga kumsumador sa maong dapit ug sa mga silingang Barangay dili na kinahanglan muadto sa merkado publiko sa langihan ug agi ug tabang sa mga operator sa BB Block tiendas.

Ang Mayor muhatag ug cash assistance, nga 50 mil ka pesos pinaagi sa ilang kapunungan nga Balangayan Butuan Economic Enterprises Association Inc. (BBEEAI).

Mitambong sa gipahigayon nga kalihukan ang mga kadagkuan sa Department of Agriculture rehiyon Caraga, Barangay Bagsakan Operators, Barangay Officials, nga gipangunahan ni Punong Barangay Romeo M. Nakila, kanhi Mayor Daisy B. Plaza, Vice Mayor Dino Claudio M. Sanchez, SP Members, Atty Webb L. Raracaza, ug Engr. Lorden G. Vismanos.