03/12/2008 - ni: Romy B. Peña, Info. Asst. II

MAYOR'S FUROM GIPAHIGAYON

Gitambongan sa ubay ubay nga mga local media ning dakbayan sa Butuan ang gipahigayon nga Mayor's Forum nga gipahigayon sa buhatan sa Mayor niadtong adlaw nga Martes, Marso 11, 2008.

Ang tumong sa natigayong press conference mao ang paghatag ug impormasyon sa mga katawhan sa dakbayan sa Butuan kalabot sa pagpalambo sa turismo ug kultura sa atong syudad, mga proyekto nga planong pagatukuron ning twig 2008, pagpauswag sa panudlanan sa gobyerno, ang dugang pabalay nga programs, computerization sa income sa merkado publiko, Terminal ug Slughter House ug ang revision nga iimplementar sa buhatan sa City Assesor.

Ang mga panelist nga girepresentahan nila Ms. Esther Guno, City Tourism Officer, City Engeneer Enily P. Gayon, Ginoong Adulfo A. Llagas City Treasurer, Engr.Lorden G. Vismanos, (CHDO) Head, Ginoong Manuel Radaza, Asst. City Assesor, ug Attorney Webb L. Racaza, City Administrator, ubay ubay sa mga pangutana ang gipasopot sa mga media practioners nga gihatagan ug pagtagad ni City Mayor Democrito D. Plaza II.

---

18th NATIONAL ARTS MONTH GISAULOG

Malamposong gisaulog ang ika 18th National Arts Month nga gibuksan niadtong adlaw nga biyernes, Marso 7,2008 ug gipahigayon sa City Hall Lobby, ning dakbayan. Ang maong kalihokan alayon usab sa natigayon nga Phil. Arts Pestival, nga nagdala sa tima, Ani ng Sining Arts in Public Spaces.

Atol sa gipahigayon nga aktibidadis ubay ubay sa mga hulagway nga nakita nga gidisplay ug gimugna pinaagi sa pagdibuho (drawing) ug painting. Diin ang usasa pinaka higlight sa maong selebrasyon mao ang pagtunol sa mga awards ngadto sa mananaug sa drawing ug painting competition nga natigayon bag-uhay palang. Nga gisalmotan sa mga studyante ug mga out of school youth dinhi sa atong syudad.

Gawas niini gipahigayon usab ang Induction of Officers sa mga napiling opisyal sa federation of student council nga nanumpa atubangan ni Hon. City Mayor Democrito D. Plaza II, nga ubos sa pagpanguna ni Hectorico B. Plaza, anak sa Mayor ug nagtungha sa kolehiyo sa Father Saturnino Urios University ning dakbayan.

Sa mensahe sa Mayor iyang gipasabot ang pahalipay ngadto sa mga mananaug sa maong kompetisyon ug labaw sa tanan sa nanumpa isip napili nga opisyal sa FSUU Student council. Ang maong kalihokan ubos sa pagpasiugda sa buhatan sa Barangay Affairs and Information Assistance Division, nga gidumala ni Ms. Agnes Carlos.

---

94 GRADWADO SA KOLEHEYO NAG-COURTESY CALL SA MAYOR

Malipayong miatubang ang 94 ka mga studyante ngadto kang Hon. City Mayor Democrito D. Plaza II, atol sa gipahigayon nga courtesy call kaniadtong adlawnga Martes, Marso 11, 2008 sa buhatan sa Mayor. Ang 94 ka mga gradwado naglangkob sa kursong nursing, commerce ug education nga nagtungha ug bag-uhay palang migradwar sa Father Saturnino Urios University (FSUU), ning dakbayan.

Tinguha sa mga gradutes nga mapaabot ang ilang pasalamat ngadto sa Mayor tungod sa gitanyag nga scholarship sa City Government nakahuman sila sa pagtungha sa kolehiyo. Kahinumduman nga adunay 45 nga migradwar nga nahilakip sa City Schoolar samtang 49 ang nakahuman pinaagi sa Barangay scholarship.

Samtang wala usab magpaulahi ang unom ka mga board. exam passers nga nagpahigayon ug courtesy call ngadto sa Mayor nga nakapahimolos usab sa scholarship sa City Government. Ang musunod:

1. Cris Carlo R. Boloron            (Bachelor of Science in Nursing)
2. April Debie.Marie Samonte    (BSN)
3. Gretchel B. Jamiro                (BSN)
4. Michell B. Geraldo                (BSN)
5. Jorielyn V. Samson               (BSED)
6. Michael G. Montes               (CPA)

Human sa gipahigayon nga courtesy call nagpakuha ug hulagway ang mga graduates ug ang mga board passers uban ni Mayor Plaza.