03/05/2008 - ni: Romy B. Peña, Info. Asst. II

MAYOR PLAZA NAKIGTAGBO SA MGA KADAGKUAN SA DEP-ED BUTUAN

Si Hon. City Mayor Democrito D. Plaza II, nakigtagbo pinaagi sa usa ka panagtigum uban ni Department of Education Superintendent Dr. Rebecca V. Dela Puz, Butuan City District Supervisors ug mga principals ingon man ang mga tag-iya sa mga nagkalain laing pangkolehiyo nga tulonghaan ug sa syudad nga tulunghaan.

Gipresentar sa mayor ngadto sa gihisgutang tulunghaan ang 8 ka historic nga dapit ngadto sa City Government pinaagi sa Butuan City Tourism Office aron paglambo isip package tour alang sa mga turista ug mga estudyante sa syudad.

Si Mayor Plaza, naghisgut sa tumong sa maong tour kini aron pagpahibalo sa mga estudyante kalabot na sa historic heritage ug kultura sa Butuan.

Ang gikaingong 8 ka dapit mao ang:

	Masao Beach - ang unang gihimong paglanding ni Magellan sa Mindanao.
	Balangay Shrine - ang dapit diin ang Balangay boat makita. Kini nga museum gimentina ang kanindot aron dugang makadani sa mga lokal ug langyaw nga turista.
	National Museum, Butuan Branch - nga gimentinar pinaagi sa renovation.
	Bood Promontory ug ECO Park - giplano ang pagpanindot sa estraktura ug dugang pagmentinar.
	Bonbon Shell Midden - diin ang pavilion pagatukuron.
	Banza Church Ruins - andam na alang sa pagpanindot pinaagi sa bag-ong panagway ug landscape ingon man ang mini Park.
	Rizal Park - ang dapit nga diin gipahigayon ang First Official ug Formal Flag Hoisting in Mindanao ug ang gihimong dapit alang sa ubang selebrasyon sa syudad.
	Purok Suatan, Brgy.Masao - diin nadiskobre ang mga antik nga butang.

---

86 KA BARANGAY SA BUTUAN PAGATUKURAN UG KOOPERATIBA

Gitinguha karong sa buhatan sa City Cooperative nga tukuran ug kooperatiba ang 86 ka Barangay sa dakbayan sa Butuan. Kini ang gikomperma ni Ginoong Chito F. Dagani, City Cooperative Coordinator. Dugtong niini ang maong buhatan nagpahigayon ug sunod sunod nga pagbansaybansay kalabot sa kooperatiba sa musunod nga mga Barangay: Agusan Pequeno, Doongan, Camayahan. Dili lamang naglakip sa bout magpatukod ug kooperatiba nga Barangay apan sigun sa gimando ni Hon. City Mayor Democrio D. Plaza II, naglakip usab kini sa mga Public Officials, NGO’s, Religious Sector, Academe ug Industrial sector susama sa Caraga Insurance Services sa Barangay Humabon.

Sa miaging bulan sa Pebrero 2008 nga kalihokan nagpahigayon ug free membership education seminar, Pebrero 8, 2008 sa Barangay J.P. Rizal ug Pebrero 12, 2008 sa Barangay Ong Yiu. Nagpahigayon usab ug skills training sa paghimo ug tocino sa Barangay Taguibo Pebrero 20-21, 2008. Ang buhatan sa City Cooperative nangandam usab karon sa giplanong Water Works System operative sa 13 ka mga barangays.