03/4/2008 - ni: Romy B. Peña, Info. Asst. II

PAGPALAMBO SA TURISMO SA DAKBAYAN SA BUTUAN

Dako ang tinguha sa City Government sa Butuan ubos sa administrasyon ni City Mayor Democrito D. Plaza II, nga dugang palambuon ang Turismo sa dakbayan sa Butuan. Bag-ohay palang atol sa pagduaw ni Tourism Secretary Ace Durano, dinhi sa atong syudad. Mihatag sa kantidad nga 2.5 milyones ka pesos alang sa padayon nga pagpalambo sa MDG Park nga nahimutang sa daplin nga bahin sa suba sa Agusan.

Sumala pa ni Mayor Plaza, nga ang gikaingong parke susama sa ubang nasud nga dako kaayo ug kaposlanan pinaagi sa pag-generate ug income. Sa maong dapit makita ang nagkadaiyang balay kalingawan nga sarang kasuroyan sa mga turista. Gawas niana plano sa Mayor mupalit ug mga manindot nga bankang de motor aron maoy sakyan sa mga turista paglibot sa atong syudad, ug agig dugang sa maong kantidad si Senator Miguel Zubiri muhatag usab ug kantidad sa usa ngadto sa duha kamilyon ka pesos alang gihapon sa turismo sa atong dapit.