02/27/2008 - ni: Romy B. Peña, Info. Asst. II

LAING PAG-APOD-APOD UG LUNA SA YUTA GIPAHIGAYON

Laing pag-apod-apod ug luna sa yuta ang gipahigayon sa Barangay Ambago ning dakbayan,ug kini pinaagi sa City Government Lot Acquisition Program (CIGLA).Diin ang mga binipesyaris mao ang Motevilla Neighborhood Association of Butuan Incorporated, nga gipangulohan ni Danilo Sajor.

Ang maong subdivision adunay gidak-on nga 19,907 square meters nga giapod-apod sa 118 ka miyembro sa asosasyon nga nakaangkon ug 86 per sq. meters matag usa. Ang maong luna sa yuta gidonar sa heirs ni Modesto Villares niadtong Enero 25, 2008 ug ang maong dapit gipalambo sa City Government ubos sa administrasyon ni City Mayor Democrito D. Plaza II, ug sa pagkakaron napahimoslan na sa mga miyembro pinaagi sa pagtukod sa ilang panimalay.

Sa mensahe sa Mayor atol sa gipahigayong kalihukan iyang gipasalamatan ang pamilyang Villares, sa pagdonar sa maong lung sa yuta diin ang nakabipisyo niini mao ang nanimuyo sa naasoy nga dapit.

---

PAG-APOD-APOD UG LUNA SA YUTA GIPAHIGAYON

Dili tiaw ang gibating kalipay sa mga miembro sa Lumbocan Homeowners Associatios, Inc. human nakadawat sa certificate of lot awards nga gipahigayon niadtong Pebrero 26, 2008 didto sa Barangay Lumbocan ning dakbayan. Ang gilapdon sa maong luna sa yuta mokabat sa 5,383 square meters nga gibahinbahin sa 123 ka mga miembro sa asosasyon ug matag usa nakaangkon 220 per sq.meters.

Ang kinatibok-an kantidad sa yuta mokabat sa 753,620.00 NGA napalit sa City Government niadtong Enero 2001, ug pagabayaran sa mga miembro sulod sa pito ka tuig o 84 ka bulan, ug ang mga benipisyares nga nakaangkon ug luna sa yuta kadtong nanimuyo sa daplin nga bahin sa Lumbocan fish port.

Ang pagpalambo sa landsite ug kadalanan pagaatimanon sa City Government of Butuan pinaagi sa CHDO, nga gidumala ni Eng. Lorden G. Vismanos, ang open space ug uban pang paseledadis pagaatimanon sa association, Barangay ug ni Hon. City Mayor Democrito D. Plaza II ug CDF sa mga City Councilors. Sa pagkakaron ang mga miyembro sa asosasyon nagplano nga mo-apply sa Butuan Habitat for Humanity Project alang sa konstruksyon sa ilang panimalay.