02/25/2008 - ni: Romy B. Peña, Info. Asst. II

DISTRIBUTION OF CERTIFICATE OF LOT AND HOUSE AWARD

Mukabat sa 24 ka panimalay ug 24 ka luna sa yuta ang giapod apod ngadto sa 24 usab ka benipisyares sa gipahigayon nga distribution of certificates niadtong adlaw nga biyernes Feb. 22,2008, didto sa Butuan New Villages phase 1 Barangay Mahay, ning dakbayan. Kini nga dapit usa ka Balangayan Butuan Expanded Program ug pinaagi sa buhatan sa City Housing and Development Office, nga gidumala ni Engr. Lourden G. Vismanos, naimplementar ang pag-apod-apod sa mga panimalay ug luna sa yuta sa nagkalain laing relocation sites. Ang mga benepisyares nga nakadawat naglangkob sa mga apektado sa tubig baha sa Brgy. Buhangin ug Mahay.

Ang pagtukod sa mga panimalay sa maong dapit nahimong malampuson tungod sa pag-abag sa mga partners sa City Government nga midunar ug panimalay nagdto sa kabos nga nanginahanglan. Sama sa Phil. Council on Evangelical Churches, nga girepresentahan ni Bishop Ephrain Tendero, kadiyawan Inc. girepresentahan ni Mr. Ricardo Lamigo, ug Alliance of Christian Devt. Agencies.

Sa mensahe ni Mayor Democrito D. Plaza II iyang gipadayag nga adunay mga senador nga mitabang pinaagi sa pagdunar ug panimalay kini mao sila Senador Francisco Pangilinan ug Manny Villar.

Tungod niining tanan iyang gipasalamatan ang nahingtungdan nga miabag sa programa sa City Government of Butuan.