02/14/2008 - ni: Romy B. Peña, Info. Asst. II

REROUTING SA MGA SAKAYANAN IPATUMAN

Sugdan sugod sa adlaw nga Huwebes Pebrero 14, 2008 ang rerouting alang sa mga sakyanan nga nagbiyahi gikan sa west (Libertad area) paingon sa syudad ug lahos sa east nga bahin.

Kini ang giklaro ni G. Alfredo A. Radaza, Special Operation Officer IV, (LTTMO). Matud ni G. Radaza, nga ang tanang demotor nga sakayanan ang temporaryong moagi sa Montalban road, ug moliko sa wala nga bahin paingon sa Capitol- Bonbon division road.

Samtang ang mga gi-rerout nga mga dagkong sakyanan ang gipahimangnuan nga mulahos sa Capitol drive ug muliko pawala paingon sa Ochoa ave. dayon liko sa tuo nga bahin paingon sa Pizarro St. ug moliko pawala paingon sa Montilla Boulevard ug balik sa National High Way diritso sa ilang distinasyon.

Ang gagmay nga mga sakyanan nga pribado lakip na ang AC ug PUJ muagi sa Governor Rosales avenue atbang sa LTO ug Gaisano road ug muliko patuo subay sa JC Aquino Ave. Kini temporaryo lamang tungod usab sa nagapadayon nga konstruksyon ug improvement sa Butuan City Drainage System sa J.C.Aquino Ave. highway.