02/11/2008 - ni: Romy B. Peña, Info. Asst. II

2nd CARAGA BUSINESS STUDENT MANAGEMENT CONGRESS

Malampusong gipahigayon ang 2nd Caraga Business Students Management Congress niadtong adlaw nga Huwebes, Pebrero 7, 2008 didto sa Balanghai Hotel and Convention Center ning dakbayan. Ang maong kalihukan ubos sa pagpasiugda sa Caraga Council Business Educators Inc. inabagan sa Commision on Higher Education (CHED) rehiyon Caraga ug nagdala sa tema nga, Business One Step Further Racing to meet Global Standard.

Ang naasoy nga aktibidadis gitambungan sa nagkadaiyang mga studyante nga nagtungha sa nagkalainlain tulonghaan sa dakbayan sa Butuan ug kinatibuk-ang bahin sa rehiyon Caraga. Tumong ug tuyo nga mahatagan ug giya ang mga estudyante nga nagtungha sa koleheyo kong unsa ka mahinongdanon ang pag dumala sa negosyo nga diin ubay ubay sa mga inilang negosyante sa atong nasod ang milambo. Dugtong sa maong kalihokan gidasig ni Director Joanna Cuenca, Regional Director, (CHED) ang mga estudyante nga gawas sa ubang kurso mokuha usab sila ug pangnigosyo nga kurso kini atol sa mensahe nga iyang gipabati.

Samtang sa mensahe ni City Mayor Democrito D. Plaza II iyang gikalipay ug gidawat ang presensya sa mga estudyante sa Caraga rehiyon nga nagkahiusa sa pagtambong sa maong kalihokan nga gipasiugdahan sa (CHED).

---

PAGKONGKRETO SA KADALANAN MAOY PRAYORIDAD SA SYUDAD SA TUIG 2008

Nagpahigayon ug Occular inspection si City Mayor Democrito D. Plaza II, UBAN si City Engineer Enily P. Gayon ug uban pang mga enhinyero sa syudad sa Butuan sa urban ug rural barangays alang sa planong pagkongkreto sa mga kadalanan nga maoy priyoridad karong tuig 2008.

Sa maong pagsusi nasayran nga adunay mga barangays sa rural nga kinahanglan hatagan ug pagtagad pinaagi sa pagkongkreto sa mga dalan aron sa ingon masayon ang pagdala sa mga mag-uuma sa mga produkto sa ilang kaumahan. Paningkamotan sa Mayor nga sa matag tuig adunay duha ngadto sa tulo ka kilometro ang makongkreto sa rural barangays samtang usa ngadto sa duha ka kilometro sa urban.

Ang musunod nga barangay nga planong pagakongkretohan mao ang musunod.
Libertad site,Hidalgo Village to Capitol Bonbon road -1.5 million pesos.

1. 2nd street Parija Subdivision 5 million ka pesos
2. Brgy. Dumalagan to Highway 1km.-12 million
3. Brgy. Bobon 1km-12 million
4. Bonbon to Sunrise School-12 million
5. Canal JP Rizal 600,000.00
6. Multipurpose covered court Obrero -1.2 million
7. Tungao to Purok Kauswagan farm to market road 6km.-2.7 million
8. Brgy Florida farm to market road 1.5 million

Mao kini ang nag-unag proyekto alang niining tuig 2008.