02/06/2008 - ni: Romy B. Peña, Info. Asst. II

BUHATAN SA PRC PADAYON SA PAGDAWAT UG APPLICATION ALANG SA PASULIT

Nagapadayon sa pagdawat ug aplikasyon ang buhatan sa Professional Regulation Commission (PRC) alang sa buot mokuha ug licensure examination for teachers nga gitakda karong Abril 6,2008 didto sa Cagayan De Oro City. Diin ang deadline sa pagsumiter sa aplikasyon gitakda niadtong Enero 31,2008 apang tun god sa hangyo sa mga aplikante gioktaba ngadto sa Feb.15,2008.

Sa giluwatan nga pamahayag ni Director Estrella Malik, PRC Cagayan De Oro City, nga kadtong buot mokuha sa maong pasulit mahimong moduaw sa maong buhatan aron sa pagsubmiter sa ilang aplikasyon.

Gidugang ni Derictor Malik nga muduaw ang mga personahe sa PRC ngadto sa ubang syudad sama sa Ozames City, Lanao del Norte, Marawe, Surigao del Sur ug Surigao del Norte tumong ug tuyo nga mamahimong sayon ang pag-renew sa mga naghupot ug lisensya nga mga professional. Samtang gitakda ang sunod nga pasulit sa Setyembre 2008 didto sa General Santos City.

---

CIVIL MASS WEDDING IPAHIGAYON

Ubay-ubay sa mga kalihukan ang ipahigayon sa buhatan sa City Civil Registrar niining bulan sa Feb. 2008. Kini maoy giklaro ni Ms Judith A. Calo ang City Civil Registrar.

Sigun pa sa maong opisyal nga ang pinaka higlight sa maong kalihukan karong bulana mao ang Mass Civil Wedding nga ipahigayon karong Feb.19, 2008 sa City Hall Lobby, ning dakbayan. Diin nagapadayon ang maong buhatan sa City Civil Registrar sa pagdawat niadtong buot magparehistro nga mga mansabado nga nag-ipon sulod sa lima ka tuig nga buot mamahimong ligal ang kaminyoon. Adunay mga rikesitos nga gikinahanglan ug usa niini mao ang birth certificate.

Samtang sa Feb.20, 2008 ipahigayon ang free registration alang niadtong wala marehistro ug hangtod niining panahona. Ang rekisitos nga gikinahanglan mao ang marriage contract sa ginikanan aron pag-ila kong ilihitimo ug lihitimo nga anak ang nagparehistro laing gikinahanglan mao ang baptismal certificate ug school records. Kini usa ka adlaw nga kalihokan nga magasugod sa alas 8:00 ang takna sa buntag hangtod sa alas 5:00 sa hapon.

---

1.2 BILYON KA PESOS NGA KANTIDAD ALANG SA DAKONG PROYEKTO

Gikatakda nga ibedding ang kantidad sa proyekto nga mukabat sa 1.2 bilyones ka pesos karong bulan sa Marso 2008 didto sa kauluhan. Kini ang gibutyag ni City Engr. Enily P. Gayon.

Matud pa sa maong opisyal nga ang kantidad sa salapi nga gitagana sa proyekto nga pagasugdan human sa maong bidding, nagagikan sa nasudnong panudlanan ug bisan sa kalisod nga gisagubang sa panggamhanan sa dakbayan sa Butuan tungod sa pagkaltas ug 68 milyon ka pesos gikan sa IRA tungod sa 16 ka mga munisipalidad nga nahimong syudad sa pagkakaron daku ang epikto ang nahiaguman.

Apan luyo niining tanan si City Mayor Democrito D. Plaza II walay puas sa pag follow-up ngadto sa kaulohan. Nahatagan ug katumanan nga makonkreto ang dalan gikan sa Brgy.Bit-os paingon sa Tungao, Las, Nieves lahos sa lungsod sa Esperanza ug bayugan Agusa del Sur. Gibanbaana nga mukabat sa 60 kilometros ang gilay-on sa maong dalan ug matapos sulod sa 27 ka bulan ang gidugayon.