01/14/2008 - ni: Romy B. Peña, Info. Asst. II

BUHATAN SA CITY AGRICULTURE NAKATABANG SA MGA MAG-UUMA UG MANGINGISDA

Sa tuig 2007, ubay-ubay sa mga mag-uuma ang natabangan sa buhatan sa City Agreculture pinaagi sa Green Subsidy Program diin ang maong buhatan nag apod-apod ug hybrid rice seeds ug porial fertilizer alang sa pag-abono sa tanom nga humay nga mikabat sa kantidad nga 2.6 milyones sa tuig 2007.

Samtang sa hybrid corn yellow ug white seeds giapod apod sa mga mag-uuma nga mukabat sa 500,000.00 ang kantidad. Gawas niana ang mag-uuma nakapahimolos usab sa animal dispersal pinaagi sa pag-apod-apod ug 105 ka kabaw nga mikantidad sa 1.4 milyones ka pesos. 253 ka baka nga nagkantidad ug 3 milyones ka pesos. Piglets, catle, goat ug chicken, nga nagkantidad ug 4.5 milyones ka pesos.

Ang kagamhanan sa bakbayan sa Butuan pinaagi sa buhatan sa City Agriculture nagpahigayon usab ug fingerlings dispersal alang sa mga mangingisda. Mukabat sa 143,000 ka tilapia fingerlings ug 100,000 ka semilya nga bangus alang sa ilang livelihood project. Ang programa sa agrikultura usa sa priority program ni City Mayor Democrito D. Plaza II. Ang buhatan sa City Agriculture ubos sa pagdumala ni Eng. Alberto Buca, City Agreculturist.