01/09/2008 - ni: Romy B. Peña, Info. Asst. II

2.4 MILYON KA PESOS GIHATAG NGADTO SA CITY GOVERNMENT

Gihimo ang simply nga seremonya sa buhatan sa Mayor bag-uhay pa lamang ang pagtunol sa “cheque” nga kantidad ug 2.4 milyones ka pesos. Ang maong kantidad sa salapi nagagikan kang Congressman Joboy S.Aquino sa unang distrito sa dakbayan sa Butuan ug sa Las Nieves.

Gitunol ang gikaingong Cheque ngadto kang City Mayor Democrito D.Plaza II, alang sa ubay-ubay nga proyekto nga ipahimutang sa Butuan Medical Center, Sports, DILG ug Liga ng mga Barangay. Diin gituohan nga dunay dugang susamang finacial nga hinabang ang musunod niini nga tuig.

Ang maong kalihukan ang gitambungan sa nagkadaiyang Local Media Practitioners, Chief of Offices, Barangay Officials ug mga kawani sa panggamhanan sa dakbayan sa Butuan.

---

ISDAP PADAYON SA DUGANG SERBISYO

Nagapadayon ang buhatan sa Integrated Social Development Assistance Porgram (ISDAP) sa ilang serbisyo ngadto sa katawhan nga mga indigent nga nagkinahanglan ug hinabang sa gobyerno.

Sumala sa gipahayag ni Ms. Genara Yu, ang nagdumala sa maong buhatan, nga padayon ang pag-apod-apod ug hinabang sama sa medesina, dugo, transportasy on ug ban pang medical assistance.

Dugang ni Ms. Yu, nga ang budget matag tuig mokabat ngadto sa 2.1 Milyones ka Pesos ug kini nakabenepisyo sa 1,202 ka resipyents pinaagi sa hospital bill nga nahialndeg sa Butuan Medical Center. 98 ang nahatagan ug burial assistance, 15 ang alang sa transportasyon, 28 ka pasyente ang nahatagn ug blood assistance, 922 ka pasyente ang nahatagan ug medesina, 26 ang medical cash assistance ug 5 ka pasyente ang adunay sakit nga kanser. Kini ang mga nakabenepisyo sa serbisyo sa tuig 2007.